रौतहटको गौरमा भड्किएको हिंसामा संलग्न रहेको आरोपमा एक जना पक्राउ
मेयरसाप डेस्क
|
२०८२ फागुन ८ गते १९:२९
रौतहट। रौतहटको गौरमा भड्किएको हिंसामा संलग्न रहेको आरोपमा एक जना पक्राउ परेका छन् ।
गौर नगरपालिका वडा नं.६ सवगढाबाट शुरु भएको दुई समुदायबीचको विवादमा संलग्न रहेको आरोपमा प्रहरीले शेख जमशेदलाई नियन्त्रणमा लिएको हो ।
पक्राउ परेका उनी जनमत पार्टीका जिल्ला संयोजक हुन् भने सोही वडाका पूर्व अध्यक्ष पनि हुन् ।
बिहीबार साँझ मस्जिदको बाटो हुँदै जन्तीको गाडी गएपछि भएको विवादले हिंसात्मक रुप लिएको थियो । हिजो शुक्रबार दिनभरको झडपपछि प्रशासनले दुवै पक्षबीच ६ बुँदे सहमति समेत गराएको थियो ।
तर आज बिहानबाटै पुनः सवगढामै दुई पक्षबीच झडप भएको छ । अहिले रौतहटका विभिन्न क्षेत्रमा प्रशासनले कर्फ्यू समेत लगाएको छ ।
Facebook Comments