कञ्चनपुरको बेलडाँडी गाउँपालिका– २ चवन्नी बजारनजिकै कोल्ड स्टोर (चिस्यान केन्द्र) निर्माण कार्य सुरु गरिएको छ ।

गाउँपालिका अध्यक्ष हरिशचन्द्र रानाका अनुसार गत वर्ष असार १० गतेको गाउँ कार्यपालिका बैठकबाट निर्णय भए अनुसार स्थानीय किसानले उत्पादन गरेका कृषिजन्य वस्तुका लागि गाउँपालिकाले चिस्यान केन्द्र निर्माण गर्न लागेको हो ।

गणेश निर्माण सेवाले आगामी ३० मंसिर ०८१ मा भवन निर्माण सम्पन्न गर्ने गरी ७१ लाख ६१ हजारबराबरको बजेटमा कोल्डस्टोर निर्माण सम्झौता गरेको छ ।