तीन सातादेखिको अविरल वर्षासँगै आएको पहिरोले गर्दा लक्ष्मी माध्यमिक विद्यालय उच्च जोखिममा रहेको छ ।

बडिमालिका नगरपालिका– ७ जिल्लीमा रहेको लक्ष्मी माध्यमिक विद्यालयवरिपरि पहिरो जान थालेपछि विद्यार्थी र शिक्षक त्रसित हुनुका साथै पठनपाठनसमेत अवरुद्ध भएको विद्यालयका प्रधानाध्यापक लालचन्द जैसीले जानकारी दिए । लक्ष्मी माध्यमिक विद्यालयमा दुई सयभन्दा बढी विद्यार्थी अध्ययन गर्छन् । विद्यालयको मूलगेटसम्म पहिरो पुगिसकेको छ।

विद्यालय खुलेको दुई  साता भइसके पनि विद्यालयवरिपरि पहिरो बग्न थालेपछि पहिरोले विद्यालय कति खेर बगाएर लान्छ भन्ने डरले विद्यार्थीहरू विद्यालयमा आउन छोडेका छन् ।