भिडियो
रामगोपाल नगरपालिका वडा नम्बर २ का वडा अध्यक्ष मुकेश यादव मृत फेला
रामगोपाल नगरपालिका वडा नम्बर २ का वडा अध्यक्ष मुकेश यादव आइतबार बर्दिवास र औरही नगरपालिकाको सिमानामा मृत अवस्थामा फेला परेका छन्।
Mayorsap
आइत, भदौ ९, २०८१ | ०६:२३ बजे
रामगोपाल नगरपालिका वडा नम्बर २ का वडा अध्यक्ष मुकेश यादव आइतबार बर्दिवास र औरही नगरपालिकाको सिमानामा मृत अवस्थामा फेला परेका छन्। रामगोपाल नगरपालिका मेयर राम दुलार साहले घटनाबारे जानकारी दिँदै शवसँगै मोटरसाइकल पनि फेला परेको बताए, जसले दुर्घटना वा हत्या दुवैको सम्भावना खुला राखेको छ।
मेयर साहका अनुसार घटनास्थलमा प्रहरीले शवको मुचुल्का उठाइरहेको छ, र पोष्टमार्टमको रिपोर्टपछि मात्र वास्तविकता स्पष्ट हुने बताइएको छ। शनिबार बेलुका घरबाट निस्किएका वडा अध्यक्ष यादवको शवमा नाकबाट रगत बगेको, तिघ्रामा चोटपटक, र केही निलडामसमेत देखिएको प्रहरीले जानकारी दिएको छ।
वडा अध्यक्ष यादवको निधनको कारणबारे थप अनुसन्धान भइरहेको छ।
तपाईंको प्रतिक्रिया
