काठमाडौं । सडकमा फोहोर फ्याँक्ने एक व्यक्तिलाई काठमाडौं महानगरपालिकाले जरिवाना १० हजार गराएको छ । काठमाडौं महानगरपालिका–१४ स्थित कुलेश्वरमा घरको फोहोर सडकमा फालेको भन्दै कुबेर थापालाई जरिवाना जरिवाना तिराएकाे हाे ।

यसअघि हिजो सोमबार सडक हिलो बनाएको भन्दै वडा नम्बर ४ स्थित मानश्री मार्गमा स्वता शाहलाई महानगरले २५ हजार जरिवाना तिराएकाे थियो ।

महानगरले गत शुक्रबार दरबारमार्गमा सभा आयोजना गर्ने क्रममा फोहोर गरेको भन्दै सत्तारुढ दल नेकपा एमालेलाई पनि जरिवाना तोकेको थियो ।

यद्यपि, एमालेले उक्त जरिवाना तिर्न आनाकानी गरिरहेकाे छ । पार्टी कार्यालयमै जरिवाना पत्र लिएर महानगरको टोली पुगेपनि एमालेले जरिवानाकाे पत्र नबुझेपछि हुलाक र इमेलमार्फत महानगरले पुन: पत्र पठाएको छ ।

महानगरले चालु आर्थिक वर्षको आर्थिक ऐनको अनुसूची १६ मा २० वटा बुँदामा दण्ड–जरिवानाको व्यवस्था गरेको छ । यससंगै पछिल्लो समय प्रशासनिक दण्ड, जरिवाना र जफतमा काठमाडौं महानगर आक्रमक देखिएको छ ।