काबुल । अन्तर्राष्ट्रिय फौजदारी अदालत (आईसीसी) ले तालिवानका शीर्ष दुई नेताविरुद्ध पक्राउ पुर्जी जारी गरेको छ । अफगानिस्तानमा महिला अधिकार हनन गरेको तथा तालिवानले निरन्तर रूपमा लैंगिक अपराध गरेको भन्दै उनीहरूलाई पक्राउ पुर्जी जारी गरिएको हो ।

आईसीसीका प्रमुखका अनुसार तालिवानका सर्वोच्च नेता हैबतुल्लाह अखुन्दजादा र इस्लामिक इमिरेट्स अफ अफगानिस्तानका मुख्य न्यायाधीश अब्दुल हकिम हक्कानीविरुद्ध पक्राउ पुर्जी जारी भएको हो ।

दुई शीर्ष तालिवान अधिकारीहरू विरुद्ध आईसीसीले कारबाही गरेको खबरपछि अफगान महिला र मानव अधिकार अभियानकर्ताहरूले तुरुन्तै स्वागत गरेको अन्तराष्ट्रिय समाचार संस्थाहरूले जनाएका छन ।

‘यस पक्राउ पुर्जी पछि हामीलाई आशा जागेको छ कि हाम्रो आवाज दबिएको छैन र विश्वले अझै पनि समानता र न्यायको लागि हाम्रो आह्वान सुन्छ भन्ने देखिएको छ,’ एक अफगान कार्यकर्ता जो ग्रामीण अफगानिस्तानका किशोरी लागि घर घरमा आधारभूत साक्षरता कक्षाहरू प्रदान गर्दछ, उनले सिएनएनसँग भनेका छन । तर, प्रतिशोधको डरले आफ्नो नाम लुकाउन आग्रह गरेका छन् ।