काठमाडौं । इजरायल–हमास युद्ध विराम लागु भएयता हमासले दोस्रो पटक बन्दी रिहा गर्न लागेका छन् । हमासले शनिबार रिहा गर्ने चार बन्दीको नाम सार्वजनिक गरेको छ। इजरायलले पनि यसको बदलामा प्यालेस्टाइनी जेलमा रहेका १८० जनालाई छाड्ने छ।  

७ अक्टोबर २०२३ का दिन हमासले इजरायलमा हमला परेर २५१ जनालाई बन्दी बनाउनुका साथै १२ सय जना भन्दा बढीको ज्यान लिएपछि सुरु भएको लडाइँ गत आइतबारको युद्ध विरामसँगै रोकिएको हो। युद्धमा इजरायलले गरेको आक्रमणका कारण करिब ४७ हजारको ज्यान गएको थियो । यो पाँच साताको बिचमा अन्य २६ बन्दीको बारे पनि हमासले जानकारी गराउने अपेक्षा गरिएको छ।