भिडियो
आणविक सम्झौताको वार्ता गर्ने ट्रम्पको प्रस्ताव इरानले गर्यो अस्वीकार
Mayorsap
सोम, फागुन २६, २०८१ | ०९:२० बजे
काठमाडौं । इरानका सर्वोच्च नेता अयातोल्लाह अली खामेनीले आणविक कार्यक्रममा वार्ताको माग गर्दै अमेरिकी राष्ट्रपति डोनाल्ड ट्रम्पको पत्रको जवाफ दिएका छन् ।ट्रम्पले तेहरानलाई पठाएको पत्रको जवाफ दिँदै खामेनीले इरानले धम्की दिने सरकारहरू सँग वार्ता नगर्ने बताएका छन् । ट्रम्पले पत्रमार्फत इरानले आणविक सम्झौताको वार्ता गर्न सहमत भएन भने उसले सैन्य कारवाहीको सामना गर्न सक्ने चेतावनी दिएका थिए ।
संयुक्त राष्ट्रसंघका अनुगमनकर्ताहरूले उनको सरकारले हालैका वर्षहरूमा आफ्नो आणविक कार्यक्रमलाई द्रुत गतिमा अगाडि बढाएको बताएका छन् । ट्रम्पले इरानको आणविक कार्यक्रमलाई अगाडि बढ्नबाट रोक्नको लागि नयाँ सम्झौता गर्न चाहेको बताएका छन् । शुक्रबार ट्रम्पले इरानलाई वार्ताको मौका दिएको र अन्यथा उसको आणविक कार्यक्रमलाई लक्षित गर्न सकिने बताएका थिए ।
तपाईंको प्रतिक्रिया
