कक्षा १२ को परीक्षा स्थगित गर्न प्रधानमन्त्रीको निर्देशन
Mayorsap | एक महिना अगाडि 
काठमाडौं । प्रधानमन्त्री केपी शर्मा ओलीको निर्देशनपछि वैशाख ११ देखि तय भएको कक्षा १२ को परीक्षा स्थगित भएको छ । परीक्षाबारे छलफल गर्न बालुवाटार पुगेका राष्ट्रिय परीक्षा बोर्डका अध्यक्ष महाश्रम शर्मा र शिक्षा सचिव दीपक काफ्लेलाई प्रधानमन्त्री ओलीले स्थिति जटिल बनेको भन्दै केहीदिन परीक्षा सार्न निर्देशन दिएका हुन् ।
अहिलेलाई वैशाख ११ को परीक्षा सार्ने निर्णय भएको राष्ट्रिय परीक्षा बोर्डका अध्यक्ष महाश्रम शर्माले जानकारी दिए । सोही अनुसार बोर्ड बैठक बसेर परीक्षा सार्ने तयारी छ । केहीबेरमा परीक्षा बोर्डले सूचना जारी गरेर जानकारी गराउँदैछ ।
आज बिहानमात्र परीक्षा बोर्डको बैठकले शिक्षक आन्दोलनका बाबजुद परीक्षा पूर्वनिर्धारित मितिमै सञ्चालन गर्ने बताएको थियो । शिक्षकहरू कक्षाकोठामा नफर्किएको अवस्थामा निजामती कर्मचारी परिचालन गरेर परीक्षा सञ्चालन गर्ने विकल्पमा पनि सरकारको तयारी थियो ।
