पत्रकार दिलभूषण पाठकलाई २५ हजार धरौटीमा छाड्न आदेश
मेयरसाप डेस्क | ४ घण्टा अगाडि 
काठमाडौं। जिल्ला अदालत काठमाडौंले पत्रकार दिलभूषण पाठकलाई धरौटीमा छाड्न आदेश दिएको छ । बिहीवार अदालतमा उपस्थित भएका पाठकलाई न्यायाधीश खेमराज भट्टको इजलासले बयान र थुनछेक बहसपछि २५ हजार धरौटीमा छाड्न आदेश दिएको हो ।
युट्युबमार्फत घृणा र द्वेष फैलाएको आरोपमा नेपाल प्रहरीको साइबर ब्यूरोले पाठकविरुद्ध १६ असारमा मुद्दा दायर गरेको थियो । उनी आज बिहान आफैँ अदालतमा उपस्थित भएका थिए ।
उनीविरुद्ध साइबर ब्युरो ५९ नाममा परेको जाहेरीका आधारमा विद्युतीय कारोबार ऐन २०६३ अन्तर्गतको कसुरमा एक लाख जरिवाना वा पाँच वर्ष कैद वा दुवै सजायको माग दाबी गरिएको छ ।
