गोलबजारमा खानेपानी आयोजना अन्तिम चरणमा

मेयरसाप डेस्क

सिरहा । सिरहाको गोलबजार नगरपालिका–३, चुरे फेदीस्थित बूढी जमदह गाउँमा दशकौँदेखिको खानेपानी समस्या अब अन्त्य हुने भएको छ । ‘सबल नेपाल’ र ‘वेल्थहङ्गरहिल्फे’ को सहयोगमा निर्माणाधीन खानेपानी आयोजना अन्तिम चरणमा पुगेको छ ।

४० हजार लिटर क्षमताको ट्याङ्की सहितको यो आयोजनाको करिब ६० प्रतिशत काम सम्पन्न भइसकेको छ । कुल ७१ लाख रुपैयाँको लागतमा निर्माणाधीन यस आयोजनामा स्थानीयको श्रमदान र नगरपालिकाको पनि सहयोग रहेको छ ।

हालसम्म पाइपलाइन बिछ्याउने र धारा जडानको काम पूरा भइसकेको छ भने अन्य संरचनाहरूको निर्माण पनि तीव्र गतिमा भइरहेको छ । अहिले अस्थायी संरचना प्रयोग गरी ५१ घरधुरीमा स्वच्छ खानेपानी आपूर्ति भइरहेको छ ।