खोलामा टिकटक बनाउने क्रममा युवक बेपत्ता
मेयरसाप डेस्क
|
२ दिन अगाडि
जनकपुरधाम । बाराको प्रसौनि गाउँपालिका–२, दुधौरा पुल नजिकै दुधौरा खोलामा टिकटक बनाउने क्रममा हाम फालेका एक युवक बेपत्ता भएका छन् ।
बेपत्ता हुनेमा स्थानीय शम्भु गोसाइका २१ वर्षीय छोरा बिकी गोसाइ रहेको इलाका प्रहरी कार्यालय पर्सौनीले जनाएको छ ।
आज बिहान करिब ८ः३० बजेतिर बिकी र स्थानीय अनुराग केसरवानी (२० वर्षीय) सँगै पुलबाट खोलामा हाम फालेका थिए । अनुराग केसरवानी भने आफैँ पौडिएर सकुशल बाहिर निस्किएका छन् ।
बेपत्ता बिकी गोसाइको खोजी कार्यका लागि २८ जना प्रहरीको टोली परिचालन गरिएको प्रहरीले जनाएको छ ।
Facebook Comments