दुर्गा प्रसाईँ भन्छन्–मलाई पार्टी खोल्ने, प्रधानमन्त्री र मन्त्री बन्ने कुनै रहर छैन

मेयरसाप डेस्क

काठमाडौं । मेडिकल व्यवसायी दुर्गा प्रसाईँले तत्काल पार्टी खोल्ने तयारीमा आफू नरहेको बताएका छन् । सोमबार पत्रकार सम्मेलनको आयोजना गर्दै उनले आफूलाई पार्टी खोल्ने ,प्रधानमन्त्री र मन्त्री बन्ने कुनै रहर नरहेको भन्दै व्यवस्था परिवर्तन भए आफूलाई पुग्ने बताए । 

त्यस्तै उनले आज आगोको भुङ्ग्रोमा देश खसेको भन्दै त्यहाँबाट देशलाई निकाल्न आवश्यक रहेको धारणा राखे । उनले भने,‘मलाई कुनै स्वार्थ छैन् । मैले पार्टी खोलेको छैन् । खोल्नैपरे पछि सोचौंला । पार्टी खोल्ने कुनै रहर पनि छैन् । पार्टी खोल्ने, प्रधानमन्त्री र मन्त्री बन्ने कुनै रहर छैन । व्यवस्था परिवर्तन भएपुग्छ । मैले सबै कुरा त्यागेको छु । हिजो दलहरुले चलाउँदा देश तालामा थिए । आज आगोको भुङ्ग्रोमा खसेको छ । त्यहाँबाट देशलाई निकाल्नु छ ।’ 

उनले गरिबी भगाउने भनेको गरिबहरुलाई नै लखेट्ने होइन् भन्दै काठमाडौं नगर प्रहरीले भने गरिबहरुलाई लखेट्ने काम गरेको बताए । 

‘गरिबी भगाउने हो, गरिबहरुलाई नै लखेट्ने होइन् । किनकी गरिब, भूमिबिहीन र काठमाडौंमा गरिखान्छु भनेर आएका जति पनि मान्छे छन् तिनीहरुको साथमा दुर्गा प्रसाईँ छ । तिनीहरुलाई केही पनि हुन दिँदैन । काठमाडौंको नगर प्रहरीले गर्दा काठमाडौंका दोकानमा बोनी हुन छाडेको छ । प्रत्येक व्यापारीहरु डिप्रेसनमा गएका छन्, ’उनले भने, ‘त्यस्तै उनले मंसिर ७ गतेको आन्दोलन सम्पूर्ण नेपालीहरुको लागि भएको भन्दै त्यसमा आफ्नो कुनै स्वार्थ नभएको बताए ।