प्रधानमन्त्री कार्कीद्वारा सर्वपक्षीय बैठक आह्वान

निर्वाचनबारे छलफल

मेयरसाप डेस्क

काठमाडौं । प्रधानमन्त्री सुशीला कार्कीले आसन्न प्रतिनिधिसभा निर्वाचनको तयारी तथा वातावरण निर्माणबारे छलफल गर्नका लागि सर्वपक्षीय बैठक आह्वान गरेकी छिन् ।

बैठक भोलि शुक्रबार अपराह्न ४ बजेका लागि बोलाइएको प्रधानमन्त्रीको सचिवालयले जानकारी दिएको छ ।

बैठकमा राजनीतिक दलहरू, जेनजी प्रतिनिधिहरू, सुरक्षा निकायका प्रमुखहरू, र निर्वाचन आयोगका पदाधिकारीहरूलाई आमन्त्रण गरिएको छ ।

सरकारले आगामी फागुन २१ गते का लागि प्रतिनिधिसभा निर्वाचनको मिति तय गरिसकेको छ ।

प्रधानमन्त्री कार्की निर्वाचनका लागि सहज र उपयुक्त वातावरण तयार गर्न सक्रिय रूपमा लागेकी हुन् ।