देशव्यापी आन्दोलन गर्ने जेन–जी समूहको घोषणा
मेयरसाप डेस्क
|
२०८२ पुष ६ गते १८:१७
काठमाडौं । जेन–जी समूहका मिराज ढुङ्गानाले वर्तमान सरकारको विकल्प खोज्दै भोलि (सोमबार) देखि देशव्यापी शान्तिपूर्ण आन्दोलन गर्ने घोषणा गरेका छन् ।
आइतबार काठमाडौँमा आयोजित पत्रकार सम्मेलनमा उनले आन्दोलनका कार्यक्रमहरू सार्वजनिक गरेका हुन् ।
ढुङ्गानाले वर्तमान सुशीला कार्की नेतृत्वको सरकार असफल भइसकेको दाबी गर्दै अब ‘सर्वपक्षीय सरकार’ गठन हुनुपर्ने मुख्य माग अघि सारेका छन् ।
आन्दोलनको सुरुवात स्वरूप भोलि बिहान ११ बजे काठमाडौंको माइतीघर मण्डलामा उपस्थित हुन उनले सबै पक्षलाई आह्वान गरेका छन् ।
अघिल्लो जेन–जी आन्दोलनका भावना र मुद्दाहरूलाई धोका दिइएको भन्दै उनले अबको आन्दोलनले निर्णायक परिवर्तन ल्याउने जिकिर गरे ।
घोषित आन्दोलन देशव्यापी र शान्तिपूर्ण हुने समूहले जनाएको छ ।
Facebook Comments