जाजरकोटमा जिप दुर्घटना हुँदा दुई जनाको मृ*त्यु
मेयरसाप डेस्क
|
२०८२ पुष २५ गते १४:४८
सुर्खेत । जाजरकोटको छेडागाड नगरपालिका–८ बाहार्नाखोलामा आज बिहान भएको जिप दुर्घटनामा परी दुई जनाको घटनास्थलमै मृत्यु भएको छ ।
छेडागाड–९ पजारुबाट थलहतर्फ आउँदै गरेको कर्णाली प्रदेश ०२–००१ च १३२७ नम्बरको बोलेरो जिप अनियन्त्रित भई दुर्घटनामा परेको हो ।
प्रहरीका अनुसार मृत्यु हुनेमा छेडागाड नगरपालिका–९ पजारुका ७० वर्षीया नन्दकला अधिकारी र २८ वर्षीय राजु अधिकारी रहेका छन् ।
ब्रेक फेल भई सडकबाट करिब १५० मिटर तल खसेको उक्त डबल क्याब बोलेरो जिपमा ६ जना सवार रहेको प्रहरीले जनाएको छ ।
दुर्घटनामा परी अन्य चार जना घाइते भएका छन् । घाइते सबैको छेडागाड नगर अस्पतालमा उपचार भइरहेको प्रहरीले जानकारी दिएको छ ।
Facebook Comments