सुनिता डंगोल बनिन् काठमाडौंको कार्यवाहक मेयर
राजीनामा दिएर बालेन घण्टीघरतर्फ
मेयरसाप डेस्क
|
२०८२ माघ ४ गते १५:५८
काठमाडौं । काठमाडौं महानगरपालिकाकी उपमेयर सुनिता डंगोलले महानगरको कार्यवाहक प्रमुखको जिम्मेवारी पाएकी छिन् ।
मेयर बालेन शाहले आइतबार पदबाट राजीनामा दिएसँगै स्थानीय सरकार सञ्चालन ऐन–२०७४ को व्यवस्थाअनुसार डंगोलले स्वतः कार्यवाहकको जिम्मेवारी पाएकी हुन् ।
मेयर शाहले राष्ट्रिय स्वतन्त्र पार्टी (रास्वपा) को केन्द्रीय कार्यालय जानुअघि पदबाट राजीनामा बुझाए । केही समयको अन्योल र ढिलाइपछि राजीनामा प्रक्रिया टुङ्ग्याएर उनी अहिले पार्टी कार्यालय घण्टीघरतर्फ गएका छन् ।
रास्वपाको वरिष्ठ नेताका रूपमा उनले झापा–५ बाट प्रतिनिधिसभा निर्वाचन लड्ने तयारी गरेका छन् । यता, बालेनको स्वागतका लागि रास्वपा कार्यालयमा कार्यकर्ता र शुभचिन्तकहरूको बाक्लो भिड लागेको छ ।
Facebook Comments