एमालेलाई जिस्काउनु महँगो पर्नेछ : ओली
मेयरसाप डेस्क
|
२०८२ माघ ६ गते १६:४१
काठमाडौं । नेकपा एमालेका अध्यक्ष केपी शर्मा ओलीले एमालेलाई जिस्काउने काम महँगो पर्ने चेतावनी दिएका छन् ।
झापा–५ बाट उम्मेदवारी दर्ता गरेपछि सञ्चारकर्मीहरूसँग बोल्दै उनले निर्वाचनका नाममा अशिष्ट र असभ्य क्रियाकलाप नगर्न आग्रह गरेका हुन् ।
उम्मेदवारी दर्ताका क्रममा एमाले र राष्ट्रिय स्वतन्त्र पार्टीका कार्यकर्ताबीच झडप भएपछि अध्यक्ष ओलीले यस्ता गतिविधि सरकारबाटै संरक्षित भएको आरोप लगाए ।
उनले निर्वाचनलाई शान्तिपूर्ण र स्वस्थ प्रतिस्पर्धाको माध्यम बनाउनुपर्नेमा जोड दिँदै नयाँ पुस्तामा भ्रम छरेर देशमा आगो लगाउन खोज्ने तत्वहरू सक्रिय रहेको टिप्पणी गरे ।
झापाका पाँचवटै क्षेत्रमा एमालेको जित सुनिश्चित रहेको दाबी गर्दै उनले पार्टीभित्र टिकटलाई लिएर कुनै असन्तुष्टि नरहेको जिकिर समेत गरे ।
Facebook Comments