मुग्लिन–नारायणघाट सडकमा बस पल्टिँदा ४० जना घाइते
चालक प्रहरी नियन्त्रणमा
मेयरसाप डेस्क
|
२०८२ माघ १६ गते १०:५२
काठमाडौं । मुग्लिन–नारायणघाट सडक खण्डको घुमाउनेमा आज बिहान यात्रुवाहक बस दुर्घटना हुँदा ४० जना घाइते भएका छन् ।
दाङबाट काठमाडौंतर्फ आउँदै गरेको लुम्बिनी प्रदेश ०२–००१ ख ०४६० नम्बरको बस बिहान करिब ३ः१० बजे अनियन्त्रित भई सडकमा पल्टिएको हो ।
ट्राफिक प्रहरी कार्यालय चितवनका इन्स्पेक्टर अनिल थापाका अनुसार घाइतेमध्ये २ जना सामान्य उपचारपछि घर फर्किएका छन् ।
अन्य घाइतेहरूको भरतपुरस्थित विभिन्न अस्पतालमा उपचार भइरहेको छ । जसमा मौलाकालिका अस्पतालमा १५ जना, पुरानो मेडिकल कलेजमा १७ जना र नयाँ मेडिकल कलेजमा ५ जनाको उपचार भइरहेको छ ।
दुर्घटनाग्रस्त बसलाई सडकबाट हटाइसकिएकाले यातायात आवागमन सुचारु रहेको प्रहरीले जनाएको छ । प्रहरीले बस चालकलाई नियन्त्रणमा लिएर अनुसन्धान सुरु गरेको छ ।
Facebook Comments