चितवन–२ चुनावी ‘ट्विष्ट’: रविको उभार, मीना बाधक, अंकगणितले के भन्छ ?(भिडियोसहित)

मेयरसाप डेस्क

परम्परागत दलको किल्लामा राजीतिक हमला गर्दै आएका रास्वपा सभापति रवि लामिछाने चितवन –२ मा तेस्रो पटक घण्टी बोकेर खडा भएपछि यो क्षेत्र राजनीतिक ‘हटस्पट’ बनेको छ । अघिल्लो निर्वाचनमा क्षेत्र नम्बर १ र २ जितेर पकड बनाएको रास्वपाले यस पटक सोविता गौतमलाई क्षेत्र नम्बर ३ मा अघि सार्दै चितवन कब्जाको रणनीति लिएको देखिन्छ ।

तीन क्षेत्रमध्ये सबैभन्दा ठूलो भिडन्तको केन्द्र चितवन २ हो, जहाँ स्वयम रवि लामिछाने र कांग्रेसकी मिना खरेल आमने सामने हुुँदैछन् । यो क्षेत्र आगामी निर्वाचनको इपिसेन्टर बन्ने संकेत देखिएको छ । एकातिर दुइ पटक भारी मतान्तरले विजयी भएका लामिछाने छन् भने अर्कोतिर सामाजिक अभियान्ताको छविलाई राजनीतिक पूँजीमा रुपान्तरण गर्न खोजिरहेकी नेपाली कांग्रेसकी मीना खरेल । चितवन २ अब केबल एउटा निर्वाचन क्षेत्र मात्रै नभएर, प्रतिष्ठाको लडाईको, मापनको मानक बन्दैछ । घण्टीको रालो चुडिन्छ् कि ,पुराना दलका नेताको मथिङग हल्लिने गरि टाउकोमा बज्छ अब व्यालेटले निर्धारण गर्नेछ । यद्यपी बालेनको आगमन र नागरिकमा चलेको नयाँको लहरले रवि झन शक्तिशाली भएर उदाएको छनक दिएको छ । 

दुई–दुई पटक भारी मतले विपक्षीलाई हराएका लामिछाने एजेण्डाले भन्दा पनि पपुलिजमले स्थापित हुने लाइनमा छन् । रास्वपाले नयाँ भएको भाष्यलाई जवरजस्त रुपमा जनताको माझमा पुु¥याइरहेको छ। मूलत: पुरानालाई धारेहात लगाएर उछितो काड्दै नयाँको नाममा भोट बटुुल्न रविको निति देखिन्छ । 

तर लामिछानेको चुनावी यात्रा त्यति सहज भने छैन । दोहोरो नागरिकता विवादका कारण यसअघि उपनिर्वाचनको बाध्यतामा चिवतन २ लाई हुलेका लामिछानेविरुद्ध अहिले पनि सहकारी ठगी आरोपका पाँच वटा मुद्धा विभिन्न जिल्लामा विचाराधिन छ । रास्वपाले यसलाई प्रतिसोध साधेको अर्थमा बुुझ्ने गरेको  छ।  अहिले उनले जितेर गएपनि सांसदको सपथ समेत खान नपाउने चर्चा चुुलिएको छ । अहिले चितवनमा उनको क्रेज जति त त्यति नै प्रश्न गर्नुपर्छ भन्ने सचेत मतदाता समेत बढेका छन् । जेनजी आन्दोलनका क्रममा आफ्नै नेतृत्वमा कैदीबन्दी भगाएको आरोप समेत लामिछानेले खेपिरहेका छन् । 

दुई पटकसम्म भारी मतले विजयी गराएर पठाउँदा पनि विकासको नाममा उनको भूूमिका नदेखिएको स्थानीयको आरोप छ । नेपाली कांग्रेसले उठाएको उम्मेदवार मीना खरेल रविका लागि अझ ठूलो चुनौती हुन सक्छिन् । 

भरतपुरबासी खरेलले पार्टीभन्दा माथि उठेर सामाजिक अभियान्ताका रुपमा गाउँ–ठाउँमै पुुगेर गरेको काम रविको गफको अगाडि भारी पर्न सक्ने अनुमान छ ।  

सामाजिक रुपमा राम्रो छबि बनाएकी खरेल तीन दशकभन्दा बढी समयदेखि महिला, बालबालिका लगायतका क्षेत्रमा काम गर्दै आएकी छिन् । मानव बेचविखन नियन्त्रण, हिंसा प्रभावितको पुनस्र्थापना र महिला सशक्तिकरणको क्षेत्रमा योगदान पुर्याएकी खरेलले स्थानीय स्तरमा बसेर जनसमुदायमा गरेको कामको प्रभावका करण पनि मीनालाई रविको कडा प्रतिस्पर्धीको रुपमा हेरिएको छ । खरेल पनि आफूलाई मतदाताले पार्टीभन्दा माथि राख्ने दाबी गर्छिन् । रवि लामिछानेले दुई पटक जित्दा समेत चितवनमा संघीय बजेटमार्फत कुनै एउटा पनि काम नभएको दाबी गर्दै उनले आफ्नो प्रतिस्पर्धी केबल मतदाताको मन मात्र भएको तर्क गरेकी छन् । 

खरेललाई कमजोर नआके पनि रविको राजनीतिक छबि कमजोर पार्न उनलाई पनि सहज छैन । पुरानादलप्रतिको नागरिकको तिरष्कार र घण्टीको लहरका कारण मीनाको संसदीय यात्रा कठिन मोडमा छ । २०७९ मा दोस्रो स्थानमा रहेको कांग्रेस २०८० को उपनिर्वाचनमा रास्वपासँग प्रतिस्पर्धामा समेत आउन सकेको थिएन ।चितवन २ मा रवि र मिनासँगै एमालेबाट पनि युवा अस्मिन घिमिरे, नेपाली कम्युनिष्ट पार्टीबाट प्रताप गुरुङ र राप्रपाबाट जगदीश्वर अधिकारी चुनावि प्रतिस्पर्धामा छन् । 

यस्तो छ अघिल्लो निर्वाचनको अंकगणित 
कांग्रेसको गढ भनेर चिनिने चितवनका तत्कालिन ४ निर्वाचन क्षेत्रमा २०५६ सम्म कांग्रेसको हालिमुहालि थियो । २०७९ सम्म आइपुग्दा कांग्रेसले तीनवटै निर्वाचन क्षेत्र गुमायो । २०७९ सालको प्रतिनिधिसभा निर्वाचनमा रास्वपाका रवि लामिछाने भारी मतले विजयी भएका थिए । लामिछाने ४९ हजार ३ सय मत ल्याएर विजयी हुँदा नेपाली कांग्रेसका उमेश श्रेष्ठले १४ हजार ९ सय ८८ मत ल्याएर दोस्रो स्थान बनाएका थिए । नेकपा एमालेका कृष्ण भक्त पोख्रेलले १४ हजार ६५२ मत ल्याएर तेस्रो स्थान बनाए भने चौंथो स्थामा रहेका राप्रपाका रविन अधिकारीले ९ सय ५५ मत मात्र पाएका थिए । दोहोरो नागरिकता मुद्दामा रवि लामिछानेले सबै सरकारी पद गुमाएपछि २०८० वैशाखमा चितवन २ मा उपनिर्वाचन भएको भयो ।नागरिकता विवाद सुल्झाएर उपनिर्वाचन लडेका रास्वपाका रवि लामिछानेले उपनिर्वाचनमा अझै बढी मत ल्याएर विजयी भए । उनले ५४ हजार १  सय ७६ मत प्राप्त गरेका थिए । उपनिर्वाचनमा एमाले र कांग्रेस भारी मतले पछि परेका थिए ।