उदयपुरको लिम्चुङबुङ गाउँपालिकाले पालिकाभित्र उत्पादितबाहेकका सुर्ती, मदिराजन्य उत्पादन विक्री वितरणमा प्रतिवन्ध लगाएको छ । स्थानीय उत्पादन प्रवद्र्धन गर्न भन्दै यस्तो निर्णय गरिएको पालिकाले जनाएको छ ।

पालिकाका अध्यक्ष मेजरकुमार राईका अनुसार स्थानीय उत्पादनलाई प्रवद्र्धन गर्न  गाउँकार्यपालिका बैठकले नै मदिरा, अन्य पेयपदार्थलगायत चुरोट, बिँडी, खैनी तथा गुट्का बिक्रीमा पूर्ण प्रतिबन्ध लगाउने निर्णय गरेको हो । बाह्य उत्पादन बिक्रीमा प्रतिबन्ध लगाएसँगै स्थानीयस्तरमा उत्पादन हुने घरेलु कोदो, मकै, जुनेलो, फाफर, चिउरी तथा सुन्तलाबाट उत्पादन गरिएका मदिराजन्य पदार्थको कारोबारमा सघाउ पुग्ने पालिकाका अध्यक्ष राईको भनाइ छ ।

कार्यपालिका बैठकले निर्णय गरेपछि हाल ऐन बनाएर कार्यान्वयनमा ल्याइएको छ ।