भिडियो
सर्लाहीका पालिकाबाट चुरेवर्ती गाउँले सुगम क्षेत्रमा बसाइँ सर्ने क्रम बढ्यो
ईश्वरपुर नगरपालिका, लालबन्दी नगरपालिका, हरिवन नगरपालिका, र बागमती नगरपालिकाका चुरेपाखाका गाउँलेहरू शिक्षा, स्वास्थ्य, खानेपानी लगायतका आधारभूत सेवाको खोजीमा चुरेफेदीका गाउँतिर बसाइँ सर्न थालेका हुन ।
Mayorsap
बुध, भदौ १९, २०८१ | ११:२६ बजे
सर्लाही जिल्लाका विभिन्न पालिकाहरूबाट चुरेवर्ती दुर्गम गाउँका बासिन्दाहरू सुगम क्षेत्रमा बसाइँ सर्ने क्रम बढिरहेको छ।
ईश्वरपुर नगरपालिका, लालबन्दी नगरपालिका, हरिवन नगरपालिका, र बागमती नगरपालिकाका चुरेपाखाका गाउँलेहरू शिक्षा, स्वास्थ्य, खानेपानी लगायतका आधारभूत सेवाको खोजीमा चुरेफेदीका गाउँतिर बसाइँ सर्न थालेका हुन ।
ईश्वरपुर नगरपालिका–१२ मा वैदेशिक रोजगारबाट आर्थिक स्थिति सुध्रिएपछि धेरै परिवारले चुरेफेदीमा झरेर बस्न थालेका छन्। बालबालिका शिक्षादीक्षा, यातायात र स्वास्थ्य सेवाको सहजताका लागि चुरेपाखाका बासिन्दाहरू सहर झर्न थालेको लालबन्दी नगरपालिका–१४ का वडाध्यक्ष छेनामसिंह घिसिङले बताए ।
