भिडियो
अब एप्सबाटै स्थानीय सरकारलाई कर तिर्न सकिने
यस्तो छ तरिका
Mayorsap
मंगल, कार्तिक १३, २०८१ | १६:३३ बजे
काठमाडौँ । देशभरका स्थानीय तहहरुलाई अब मोवाइल एप्लिकेशसबाटै कर तिर्न र स्थानीय तहहरुले कर संकलन गर्न पाउने भएका छन् ।
कोष तथा लेखा नियन्त्रक कार्यालयले स्थानीय तहमा राजश्व भुक्तानीका लागि मोवाइल एप्लिकेसन संचालनमा ल्याएको जनाएको छ ।
Local Revenue-LLRP नामको यो एप्लिकेशन एन्ड्रोइड र आइओएस दुबैखाले मोवाइलमा डाउनलोड गर्न सकिने कार्यालयको भनाइ छ ।
हालसम्म स्थानीय तहमा कर तिर्नका लागि स्थानीय तह सञ्चित कोष व्यवस्थापन प्रणाली (सुत्र) र लोकल लेभल रेभेन्यु पोर्टलमार्फत यस्तो कर तिर्न सकिने व्यवस्था थियो ।
अब मोवाइल फोनमा एप्स डाउनलोड गरेर एप्समार्फत नै सोझै कर तिर्न सकिने व्यवस्था गरिएको कार्यालयको भनाई छ ।
गुगल प्ले स्टोरबाट एप्स डाउनलोड गरेपछि एप्सभित्रैबाट कर तिर्ने प्रक्रिया सिक्न सकिने कार्यालयको भनाइ छ
