भिडियो
यू–१९ एसिया कपको पहिलो खेलमा ५५ रनले नेपाल पराजित
नेपाल ४६.२ ओभरमा १७८ रनमा अलआउट भएको थियो
Mayorsap
शुक्र, मंसिर १४, २०८१ | १९:१६ बजे
काठमाडौं । आजदेखि युएईमा सुरु भएको एसीसी यू–१९ एसिया कपअन्तर्गत पहिलो खेलमा नेपाल नेपाल श्रीलंकासँग ५५ रनले पराजित भएको छ ।
श्रीलंकाले दिएको २३४ रनको लक्ष्य पछ्याएको नेपाल ४६.२ ओभरमा १७८ रनमा अलआउट भएको थियो । ओपनर मयन यादवले सर्वाधिक ६२ रन बनाएका थिए ।
श्रीलंकाका प्रवीण मनीशाले ९ ओभरमा ३० रन दिएर ३ विकेट लिए । न्यूथन रन्जितकुमार, मथुलान कुगथास, विहास थ्योमिकाले २–२ विकेट लिएका थिए ।
त्यसअघि टस हारेर ब्याटिङ गरेको श्रीलंकाले ५० ओभरमा सबै विकेट गुमाएर २३३ रन बनाएको थियो ।
श्रीलंकाका सरुजन सनमुगनाथनले सर्वाधिक ६२ रन बनाएका थिए । त्यस्तै लकविन अभेसिङ्गेले ५० रन बनाए । कविजा गमागेले ३७ रन बनाएका थिए ।
नेपालका सन्तोष यादवले १० ओभरमा ४५ रन दिएर ४ विकेट लिएका थिए । त्यस्तै युवराज खत्रीले २ तथा कप्तान हेमन्त धामी र नरेन साउदले १–१ विकेट लिएका थिए ।
तपाईंको प्रतिक्रिया
