काठमाडौं । नेकपा एमालेको सचिवालय बैठक आज बस्दैछ । पार्टी केन्द्रीय कार्यालय च्यासलमा आज अपरान्ह ४ बजे बैठक बस्न लागेको हो । बैठकमा एमाले फर्किन लागेका वामदेव गौतमकाबारेमा छलफल हुने बताइएको छ।  

यसअघि दुई पटक अध्यक्ष केपी शर्मा ओलीसँग भएको वार्ता सकारात्मक भएको भन्दै एमालेमा प्रवेश गर्ने गौतमले बताइसकेका छन् । सम्भवतः उनलाई सचिवालय बैठकले स्वागत गर्ने र जिम्मेवारी तोक्ने छ । यसका साथै बैठकमा समसामयिक राजनीति र संसदको हिउँदे अधिवेशनबारे छलफल हुने नेताहरूले बताएका छन् ।