खार्तुम । सुडानमा एउटा सैन्य विमान दुर्घटनाग्रस्त भएको छ । ओमदुरमन सहरमा भएको दुर्घटनामा कम्तीमा १९ जनाको मृत्यु भएको बताइएको छ ।

एन्टोनोभ विमान मंगलबार ओमदुरमनको उत्तरमा रहेको वादी सय्यदना एयरबेसबाट उडान भर्ने क्रममा दुर्घटनाग्रस्त भएको सैन्य तथा स्वास्थ्य अधिकारीहरूले बुधबार एक संक्षिप्त विज्ञप्तिमा भनेका छन् । ओमदुरमान राजधानी खार्तुमको भगिनी सहर हो ।

विज्ञप्ति अनुसार दुर्घटनामा सैन्य कर्मचारी र सर्वसाधारणको मृत्यु भएको छ । दुर्घटना के कारणले भयो भन्ने कुरा पनि विज्ञप्तिमा बताइएको छैन । यसैबिच, स्वास्थ्य मन्त्रालयले कम्तीमा १९ जनाको मृत्यु भएको बताएको छ ।