काठमाडौं । नेपालले आज जारी चार देशीय सिरिज अन्तर्गत आयोजक युगाण्डाको सामना गर्दै छ । नेपाली समय अनुसार यो खेल अपरान्ह ४ः४५ बजेदेखि सुरु हुने छ । यस सिरिजमा नेपालले खेलेका ४ खेलमा एक जित र ३ हार व्यहोरेको छ । नेपालले यस अघि नामिबियासँग दुवै पटक र हङकङसँग एक पटक हार व्यहोरेको थियो भने आयोजक युगाण्डालाई पराजित गरेको थियो ।  यो खेलपछि अब नेपालले मार्च १४ मा हङकङविरुद्ध खेल्ने छ । त्यसपछि मार्च १६ मा अंक तालिकामा पहिलो र दोस्रो हुने तथा तेस्रो र चौथो हुने देशबीच खेल हुनेछ ।