भिडियो
यौन दुर्व्यवहारपछि युवतीको मृत्यु भएको घटनाबारे गृहमन्त्रीको चासो, छानबिन गर्न निर्देशन
Mayorsap
बुध, बैशाख ३, २०८२ | ११:३४ बजे
काठमाडौं । गृहमन्त्री रमेश लेखकले सिराहामा यौन दुर्व्यवहारपछि युवतीको मृत्यु भएको घटनाबारे छानबिन गर्न निर्देशन दिएका छन् । चार महिनाअघि बलात्कार प्रयासबाट उम्किएकी युवती मंगलबार झुण्डिएको अवस्थामा भेटिएको घटनाबारे छानबिन गर्न गृहमन्त्री लेखकले आईजीपी दीपक थापालाई निर्देशन दिएका हुन् ।
सिराहा जिल्लाको नरहा गाउँपालिका, बर्छवाकी २५ वर्षीया आनन्दीदेवी सदाय गत पुस ९ मा बरियारपट्टि गाउँपालिका–१ कचनारीको नरगीस्थित दिदीको घरमा गइरहेको बेला यौन दुर्व्यवहारमा परेकी थिइन् । दुई युवाले बगैँचामा लगेर बलात्कार प्रयास गरेको भन्दै उनले प्रहरीमा किटानी जाहेरी दिएकी थिइन् । तर दुवै जना अहिलेसम्म पक्राउ परेका छैनन् ।
यता मंगलबार ती युवती भने नवराजपुर गाउँपालिका–३ दोनबारी टोलस्थित माइतिघरमा झुण्डिएको अवस्थामा भेटिएकी छन्। उक्त घटनाबारे चासो राख्दै गृहमन्त्री लेखकले छानबिन गर्न निर्देशन दिएका छन् ।
तपाईंको प्रतिक्रिया
