कश्मीरमा आतंककारी भएको आरोपमा ९ घर भत्काइयो
Mayorsap | ३ हप्ता अगाडि 
नयाँ दिल्ली । जम्मु–कश्मीरको पहलगाममा २६ जना मारिने गरी भएको आतंकवादी हमलायता भारतीय सुरक्षा बलले त्यस क्षेत्रमा सर्च अभियान सञ्चालन गरिरहेको छ। सुरक्षा बललेकश्मीरमा आतंककारी र तिनीहरूको नेटवर्कलाई पूर्ण रूपमा नष्ट गर्न चौतर्फी हमला जारी राखेका छन् ।
धेरै आतंकवादीहरुको घर ध्वस्त गर्नुका साथै खोजीसमेत गरिरहेको छ। श्रीनगरमा मात्रै ६४ आतङ्ककारी र भूमिगत कामदारहरूको लुकेर बसेको अनुमान गरिएको छ । अनन्तनागमा १८८ जनालाई हिरासतमा राखेर सोधपुछ भइरहेको छ, जबकि कश्मीरका अन्य भागहरूसहित लगभग २ हजार ५०० मानिसहरूलाई सम्बन्धित पुलिस स्टेशनहरूमा सोधपुछको लागि बोलाइएको छ।
उता, २४ भन्दा बढी जेलमा रहेका आतंककारी र भूमिगत कामदारहरूलाई पनि सोधपुछ गरिएको छ। विभिन्न ठाउँमा विशेष चेकपोस्ट स्थापना गरिएको छ । पछिल्ला दुई दिनमा यी नाकाबाट आतंकवादीका ६ सहयोगी हतियारसहित पक्राउ परेका छन् ।
शनिबार बिहान कुलगाममा लश्कर आतंकवादी शाहिद अहमद कुटे र आतंकवादी जाकिरको शोपियानमा घर ध्वस्त पारिएको थियो। दुवै लश्करका आतंकवादी सूचीकृत रहेका थिए ।
कुपवाडामा पनि लश्कर आतंकवादी फारुकसहित दुई आतंककारीको घर ध्वस्त पारिएको छ। शनिवार साँझ शोपियानको जैनापोरामा टीआरएफ आतंकवादी अदनान शफी डारको घर पनि ध्वस्त पारिएको थियो। पछिल्लो २४ घण्टामा सुरक्षा बलले यो उपत्यकामा नौ आतङ्ककारीको घर विस्फोटक पदार्थसहित ध्वस्त पारेको भारतीय सञ्चारमाध्यमले जनाएका छन् ।
