दुर्गा प्रसाईंसहितको थुनछेक बहस सकियो, आजै आदेश आउने
मेयरसाप डेस्क | ३ हप्ता अगाडि 
काठमाडौं । काठमाडौं जिल्ला अदालतमा तीनकुने घटनासम्बन्धी मुद्दामा मुख्य आरोपी दुर्गा प्रसाईंसहित प्रतिवादीहरूमाथि थुनछेक बहस सकिएको छ ।
न्यायाधीश ध्रुवराज कार्कीको इजलासमा २० जेठदेखि भइरहेको बहस आज अन्तिम चरणमा पुगेको हो ।
काठमाडौं जिल्ला अदालतका सूचना अधिकारीका अनुसार आदेश तयार हुँदै गरेको र केहीबेरमै आदेश आउनेछ । तीनकुने घटनामा ११ जेठमा सरकारी वकिलले ६१ जनाविरुद्ध मुद्दा दायर गरेका थिए । तीमध्ये ३९ जना हिरासतमा छन् भने ११ जना धरौटीमा रिहा भइसकेका छन् ।
प्रसाईंसहित आठ जनाविरुद्ध राज्यद्रोह, कर्तव्य ज्यान र संगठित अपराधको मुद्दा दायर गरिएको छ ।
