राप्रपाका महामन्त्री धवलशमशेर अदालतमा उपस्थित
मेयरसाप डेस्क | १ हप्ता अगाडि 
काठमाडौं । राष्ट्रिय प्रजातन्त्र पार्टीका महामन्त्री धवलशमशेर जबरा काठमाडौं जिल्ला अदालतमा हाजिर भएका छन् । उपचार प्रयोजनार्थ हाजिर जमानीमा रिहा भएका तर मुद्दा दायर भएपछि पनि प्रहरीको सम्पर्कमा नआएका जबरा जिल्ला अदालत काठमाडौंमा उपस्थित भएका हुन् ।
गत चैत १५ गते तीनकुनेमा आयोजित राजावादी आन्दोलनमा सहभागी जबरा विरुद्ध राज्य विरुद्धको कसुरसहित ४ वटा मुद्दामा अभियोजन गरिएको छ । जबरालाई राज्य विरुद्धको कसुर, आपराधिक उपद्रव, सङ्गठित अपराध र एकीकृत कसुरमा सजाय हुन मागदाबी लिइएको छ ।
