बैतडीमा चौलानी नदीमा हामफाल्दा एक युवक बेप*त्ता
मेयरसाप डेस्क | ५ घण्टा अगाडि 
बैतडी । बैतडीको डिलासैनी गाउँपालिका–३ सिमारका एक युवक चौलानी नदीमा हामफालेर बेपत्ता भएका छन् ।
बेपत्ता हुनेमा २६ वर्षीय महेश राना रहेको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिए ।
पारिवारिक स्रोतका अनुसार राना आज बिहान करिब ६ बजेतिर घर नजिकै रहेको चौलानी नदीमा हाम फालेका थिए ।
घटनापछि रानाको खोजी कार्यका लागि प्रहरी टोली नदी क्षेत्रमा परिचालित गरिएको छ ।
रानाले किन नदीमा हामफाले भन्ने विषयमा अझै स्पष्ट हुन नसकेको र घटनाबारे थप अनुसन्धान भइरहेको प्रहरीले जनाएको छ ।
