अमेरिकाले पाकिस्तानको बलोचिस्तान सशस्त्र समूहलाई राख्यो आतंकवादी सूचीमा

मेयरसाप डेस्क

इस्लामवाद । अमेरिकाले पाकिस्तानको बलोचिस्तान लिबरेशन आर्मी (बीएलए) लाई आतंककारी संगठन घोषणा गरेको छ। अमेरिकाले पाकिस्तानको बलोचिस्तान सशस्त्र समूहलाई ‘विदेशी आतंकवादी’ सूचीमा राखेको हो । सोमबार अमेरिकाको राज्य विभागले अन्तराष्ट्रिय आतंकाकारी समूह घोषणा गर्दै सो सूचीमा समावेश गरेको हो ।

बीएलए, जसलाई माजिद ब्रिगेड पनि भनिन्छ । अमेरिकी राष्ट्रपति डोनाल्ड ट्रम्पले पाकिस्तान सरकारसँग सम्पर्क बढाउन खोजेका बेला यो बलोचिस्तान विद्रोही समूहलाई आतंकाकारी सूचीमा समावेश गरेको हो ।

एक विज्ञप्तिमा अमेरिकी विदेश सचिव मार्को रुबियोले भने, ‘यो कदम ट्रम्प प्रशासन आतंकवादको प्रतिरोधको प्रतिबद्धताको प्रदर्शन गर्दछ, आतंकवादी पदनामले यस प्रकोप विरुद्धको हाम्रो लडाईमा महत्त्वपूर्ण भूमिका खेल्छ र यो नै आतंकवादी गतिविधिहरूको बिरूद्द काम गर्ने प्रभावकारी माध्यम हो।’ 

हालसालै यस वर्ष मार्चमा पृथकतावादी समूहले क्वेटाबाट पेशावर जाने रेलको घेराबन्दीको जिम्मेवारी लिएको थियो, जसमा दर्जनौं यात्रु र सैनिकहरू मारिएका थिए। बलोचिस्तान पाकिस्तानको सबैभन्दा ठूलो तर कम जनसंख्या भएको र गरिब प्रान्त हो । सन् १९४७ मा पाकिस्तान गठन भएदेखि यस क्षेत्रले कम्तीमा पाँचवटा पृथकतावादी विद्रोहको अनुभव गरिसकेको छ। उनीहरू पाकिस्तानवाट बलोचिस्तानलाई छुटाएर अलग्गै स्वतन्त्र देश बनाउन लडिरहेको बताउँछन् ।

यसको नयाँ पुनरावृत्ति प्रारम्भिक रूपमा सन २००० मा सुरु भएको थियो  । र, त्यसपछि सो समूहले प्रान्तको प्राकृतिक स्रोतहरू कब्जा गर्ने काम गरिरहेको छ ।  पृथकतावादी आन्दोलनका समर्थकहरूले पाकिस्तान सरकारले यस क्षेत्रको १ करोड ५० लाख जनसंख्यालाई बेवास्ता गर्दै यस क्षेत्रको प्राकृतिक स्रोत साधनको दोहन गरेको आरोप लगाउँदै आएका छन्।

यो प्रान्त व्यापारको लागि महत्वपूर्ण रहेको छ, बलोचिस्तानको ग्वादरमा गहिरो समुद्री बन्दरगाहहरू रहेको छ, जुन दक्षिण पश्चिमी चीनलाई पाकिस्तान हुँदै अरब सागरमा जोड्ने योजनाको एक प्रमुख नाका हो।

गत महिना अमेरिकी राष्ट्रपति डोनाल्ड ट्रम्पको प्रशासन बलोचिस्तानको प्रतिरोध मोर्चा (टिआरफी) लाई सो सूचीमा राखेको थियो, जसलाई रुबियोले पाकिस्तानमा आधारित लश्कर–ए–तैयबा (एलईटी) को अर्को शाखाको रूपमा चिनाएका थिए।

यसैबीच, गत जुनमा ट्रम्पले पाकिस्तानी सेना प्रमुख असिम मुनिरलाई व्हाइट हाउसमा बोलाएर डिनर खुवाएका थिए । ट्रम्प प्रशासनले दक्षिण एसियाली देशको प्राकृतिक स्रोत र नयाँ क्रिप्टोकरेन्सी उद्योगमा विशेष जोड दिएर पाकिस्तानसँग नयाँ लगानी पनि खोजेको छ।

यही बेला अमेरिकाले पाकिस्तानलाई खुसी पार्नका लागि यो काम गरेको जनाइएको छ। पाकिस्तानी समुन्द्रमा ठुलो मात्रामा प्राकृतिक तेलको भण्डार छ, अब अमेरिका पाकिस्तानसँग मिलेर सो तेल उत्खनन गर्न चाहान्छ ।

भारतलाइ ५० प्रतिशत भन्सार दर लगाएको अमेरिकाले उसको शत्रु देश पाकिस्तानी सेना प्रमुख मुनिरलाइ फेरी अमेरिका बोलाएको छ । उनी अमेरिका पुग्नु अघि अमेरिकाले बलोचिस्तानी सशस्त्र समूहलाई आतंकबादी घोषणा गरेर रेड कार्पेट ओच्छाएको छ ।