एमालेको ११ औं महाधिवेशनका लागि आज देशभर प्रतिनिधि छनोट हुँदै

मेयरसाप डेस्क

काठमाडौं ।  आसन्न महाधिवेशनका लागि नेकपा एमालेले आज देशैभरि प्रतिनिधि छनोट गर्दै छ।  एमाले केन्द्रीय कार्यालयका अनुसार यसका लागि अस्ति ११ गते सबै निर्वाचन क्षेत्रमा प्रतिनिधि निर्वाचनका लागि उम्मेदवारी मनोनयन भएको छ।

केही निर्वाचन क्षेत्रमा भने सोही दिनै सहमति जुटेको छ । सहमति नजुटेका क्षेत्रहरूमा आज बिहान ८ बजेदेखि निर्वाचन सुरु भएको हो । मतदान समय अधिकांश क्षेत्रमा दिउँसो २ बजेसम्मका लागि तोकिएको छ। 

एमालेका संगठित सदस्य ६ लाख ६७ हजार ६३० बाट प्रतिनिधि चुनिँदै छन् । झण्डै २२ सय प्रतिनिधि रहने महाधिवेशनका लागि यसपटक प्रत्येक संघीय निर्वाचन क्षेत्रबाट कम्तीमा एक जना युवा प्रतिनिधिको कोटा सुरक्षित गरिएको छ । एमालेको ११ औं महाधिवेशन यही मंसिर २७२९ गते काठमाडौँमा हुँदै छ।