हेटौंडामा सडक विस्तारको प्रभावः पसल खाली गर्न ‘सेल’ मा सामान बिक्री गर्दै व्यवसायी

दिक्षान्स खड्का

हेटौंडा । हेटौंडा बजार क्षेत्रमा सडक विस्तारको तयारी सुरु भएसँगै व्यवसायीहरू पसल खाली गर्ने तयारीमा जुटेका छन् । सडक डिभिजन कार्यालयले पूर्व–पश्चिम महेन्द्र राजमार्ग र त्रिभुवन राजपथ अन्तर्गतको सडक सडकको बीच भागबाट दायाँबायाँ २५–२५ मिटर क्षेत्रमा बनेका संरचनाहरू हटाउन दिएको १५ दिनको समय सकिन लागेसँगै त्यस क्षेत्रका व्यवसायीहरू पसल खाली गर्न लागि परेका हुन् । 

पसल खाली गर्न व्यापारीहरूले सबै सामानहरू सस्तो मूल्य ‘सेल’ मा राखेपछि हेटौंडा बजारमा ग्राहकको भीड बढेको छ। विशेष गरी फर्निचर, कपडा तथा घरेलु सामग्रीका पसलमा ग्राहकको चहलपहल बढेको छ । आज बिहानैदेखि हेटौंडाको सिमाचोकदेखि नेपाल बैंक आसपासको क्षेत्र निकै व्यस्त बनेको स्थानीयहरूले बताएका छन्।

व्यापारीहरूका अनुसार सडक विस्तारको तयारीसँगै उनीहरूको व्यवसायमा ठूलो असर परेको छ। संरचना भत्किने अवस्था भएपछि थुप्रै व्यवसायी बाध्यतावश सामान सस्तोमा बिक्री गर्न थालेका हुन्।