हेटौँडामा लामो समयदेखि रोकिएको सडक भोलिदेखि विस्तार हुने
मेयरसाप डेस्क
|
२०८२ मंसिर १९ गते ११:०५
हेटौँडा । हेटौँडामा लामो समयदेखि रोकिएको सडक विस्तार कार्य भोलिदेखि औपचारिक रूपमा सुरु हुने भएको छ ।
सडक डिभिजन कार्यालयको सूचनापछि आवश्यक सबै तयारी पूरा गरिएको जिल्ला प्रशासन कार्यालय मकवानपुरले जनाएको छ ।
प्रमुख जिल्ला अधिकारी वसन्त अधिकारीका अनुसार, जिल्ला सुरक्षा समितिले पछिल्लो अवस्थाको सूक्ष्म अध्ययन गर्दै विस्तृत सुरक्षा योजना पारित गरिसकेको छ ।
ठूलो सुरक्षा चुनौती नदेखिएको र स्थानीय तथा व्यवसायीको सहयोग रहेको उनले बताए ।
अदालतको आदेशअनुसार ’राइट अफ वे’ खाली गर्ने प्रक्रिया स्थानीयको सहकार्यमा अगाडि बढेको प्रशासनले दाबी गरेको छ ।
प्रजिअ अधिकारीले उत्तेजनात्मक गतिविधि नगर्न आग्रह गर्दै गैर–कानुनी गतिविधिमा संलग्न भए कडाइका साथ कारबाही हुने चेतावनी दिएका छन् ।
Facebook Comments