तनहुँको कोत्रेमा टिपर दुर्घटना : चालकको मृ*त्यु
मेयरसाप डेस्क
|
२०८२ माघ ६ गते १२:०३
दमौली । तनहुँको शुक्लागण्डकी नगरपालिका–१ कोत्रेमा आज बिहान टिपर दुर्घटना हुँदा चालकको मृत्यु भएको छ ।
मृत्यु हुनेमा गोरखाको बारपाक सुलीकोट गाउँपालिका–६ ताकुकोटका ४२ वर्षीय रामबहादुर गुरुङ रहेका छन् ।
कोत्रेबाट थप्रेकतर्फ गिटी बोकेर जाँदै गरेको ग १ क ६४८५ नम्बरको टिपर अनियन्त्रित भई सडकबाट करिब ५० मिटर तल खसेको थियो ।
दुर्घटनामा गम्भीर घाइते भएका गुरुङको जिपी कोइराला श्वासप्रश्वास उपचार केन्द्रमा उपचारका क्रममा बिहान १०ः५६ बजे मृत्यु भएको जनाइएको छ ।
Facebook Comments