बाजुरामा हिमपात : जनजीवन कष्टकर बने पनि किसान उत्साहित
गोविन्द तिमिल्सेना
|
२०८२ माघ १४ गते १७:३३
बाजुरा । बाजुरामा मंगलबार रातिदेखि पुनः भारी हिमपात र वर्षा सुरु भएको छ ।
यो साता दोस्रो पटक भएको हिमपातका कारण जिल्लाका बडीमालिका, पोरखेलेक, बुढीनन्दा लगायतका उच्च हिमाली क्षेत्रहरू सेताम्ये भएका छन् ।
हिमपातले जनजीवन कष्टकर बनाए पनि लामो खडेरीपछि सुक्न लागेको गहुँबालीलाई राहत पुगेको भन्दै किसानहरू खुसी भएका छन् ।
कृषि ज्ञान केन्द्र बाजुराका अनुसार, यो वर्षाले हिउँदे बाली र चैतमा लगाइने धानका लागि समेत फाइदा पुग्नेछ ।
हिमपातका कारण मार्तडी–कोल्टी सडकखण्ड पूर्ण रूपमा अवरुद्ध भएको छ, भने विद्युत् र टेलिफोन सेवा समेत प्रभावित बनेको छ ।
चिसो बढेसँगै वन्यजन्तुहरू बेसीतिर झर्न थालेकाले चोरी–सिकारी बढ्न सक्ने भन्दै डिभिजन वन कार्यालयले उच्च सतर्कता अपनाउन र सिकार नगर्न आग्रह गरेको छ ।
Facebook Comments