स्कुटर दुर्घटनामा २७ वर्षीया थापाको मृ*त्यु
मेयरसाप डेस्क
|
२०८२ माघ १५ गते १०:३८
दमौली । पृथ्वीराजमार्गअन्तर्गत तनहुँको म्याग्दे गाउँपालिका–१ गुणादीमा आज बिहान स्कुटर दुर्घटना हुँदा एक जनाको मृत्यु भएको छ ।
पोखराबाट दमौलीतर्फ आउँदै गरेको स्कुटर दुर्घटनामा परी चितवनको भरतपुर महानगरपालिका–१६ की २७ वर्षीया सुमित्रा थापाको ज्यान गएको हो ।
जिल्ला प्रहरी कार्यालय तनहुँका प्रहरी नायब उपरीक्षक श्रवणकुमार विकका अनुसार दुर्घटनामा स्कुटर चालक म्याग्दे–३ का २७ वर्षीय पुरन मगर घाइते भएका छन् ।
घाइते मगरको दमौलीस्थित प्रदेश अस्पतालमा उपचार भइरहेको छ । दुर्घटनाको कारणबारे प्रहरीले थप अनुसन्धान गरिरहेको छ ।
Facebook Comments