पेट्रोलियम पदार्थको मूल्य वृद्धि, कुन क्षेत्रमा कति पुग्यो?
आज राति १२ बजेदेखि लागू; पेट्रोलमा १ र डिजेल/मट्टितेलमा ३ रुपैयाँ बढ्यो
मेयरसाप डेस्क
|
२०८२ फागुन २ गते २०:४०
काठमाडौं । नेपाल आयल निगमले पेट्रोलियम पदार्थको मूल्य वृद्धि गरेको छ। निगमका अनुसार आज राति १२ बजेदेखि लागू हुने गरी पेट्रोलमा प्रतिलिटर १ रुपैयाँ तथा डिजेल/मट्टितेलमा प्रतिलिटर ३ रुपैयाँले मूल्य बढाइएको हो।
नयाँ दरअनुसार काठमाडौं, पोखरा र दिपायल क्षेत्रमा पेट्रोलको मूल्य प्रतिलिटर १५६ रुपैयाँ पुगेको छ। सुर्खेत र दाङमा पेट्रोलको मूल्य १५५ रुपैयाँ निर्धारण गरिएको छ।
त्यस्तै चारआली, विराटनगर, अमलेखगञ्ज, भलवारी, नेपालगञ्ज, धनगढी र वीरगञ्ज क्षेत्रमा पेट्रोलको मूल्य प्रतिलिटर १५३ रुपैयाँ ५० पैसा कायम गरिएको निगमले जनाएको छ।
निगमले अन्तर्राष्ट्रिय बजार मूल्य र आयात लागतका आधारमा समायोजन गरिएको स्पष्ट पारेको छ।
Facebook Comments