कालीकोटको रास्कोट नगरपालिकाले बिना योजना एक विद्यालयलाई दश लाख रुपियाँ भुक्तानी गरेको पाइएको छ। असार मसान्तमा रास्कोट नगरपालिका वडा–६ मा रहेको अन्नपूर्ण आधारभूत विद्यालयलाई उक्त रकम दिइएको पाइएको हो।

नगरका शिक्षा शाखा प्रमुख खेमराज शाहीले एक जना शिक्षकको तलब भुक्तानी गर्दा एक्सलमा मिस्टेक भएका कारण एक लाखको सट्टा दश लाख भुक्तानी भएको जानकारी दिएका छन्। हाल आर्थिक लेखा परीक्षणको क्रममा सो भुक्तानीको भएको पाइएको हो। विद्यालयले सो रकम अहिलेसम्म फिर्ता नगरेको र आगामी तीन महिनामा दिनुपर्ने अनुदानबाट कटौती गरेर असुल गर्ने निर्णय गरिएको शाहीले बताए ।

अन्नपूर्ण विद्यालयका प्रमुख अमरबहादुर शाही नगर प्रमुख धर्मराज शाहीको नातेदार हुन्, जसले यस निर्णयमा संलग्नता रहेको आरोप लागेको छ। विद्यालय व्यवस्थापन समिति अध्यक्ष बल सार्कीले १० लाख नभएर ९ लाख ४२ हजार बढी भुक्तानी आएको स्वीकार गरेका छन्।