कपिलवस्तु, असोज २६।  कपिलवस्तुको यशोधरा गाउँपालिका-७ मर्यादपुर र वडा नं. ४ परसोहियाबाट नक्कली नेपाली नोटसहित तीन जनालाई पक्राउ गरिएको छ। 

जिल्ला प्रहरी कार्यालय कपिलवस्तुका प्रहरी नायब उपरीक्षक हरि बहादुर वलीका अनुसार, ८ हजार रूपैयाँ बराबरको नक्कली नोटसहित तीन जनालाई पक्राउ गरिएको हो। पक्राउ परेकाहरूमा यशोधरा गाउँपालिका-७ मर्यादपुरस्थित आनन्द मदिरा पसलका सञ्चालक ५८ वर्षीय मनोज कुमार चौधरी, यशोधरा-४ परसोहियाका ३८ वर्षीय मयाराम गुप्ता र उनकी ३६ वर्षीया श्रीमती उर्मिला गुप्ता रहेका छन्।

 प्रहरीको भनाइअनुसार, मर्यादपुरबाट नक्कली पाँच सय दरका ८ थान र परसोहियाबाट नक्कली पाँच सय दरका ८ थान गरी कुल १६ वटा नक्कली नोट फेला परेको छ। तीनै जनामाथि थप अनुसन्धान भइरहेको प्रहरीले जानकारी दिएको छ।