स्याङ्जा। स्याङ्जा सहयोग समाज अन्तर्राष्ट्रिय समन्वय समितिको आयोजनामा पालिका स्तरीय पुरुष भलिबल प्रतियोगिता आगामी कार्तिक २ गतेदेखि सुरु हुने भएको छ। प्रतियोगितामा स्याङ्जाका ११ वटै पालिकाको सहभागिता रहनेछ।

खेल संयोजक प्रकाश श्रेष्ठका अनुसार प्रतियोगिताका लागि सबै पालिकाहरुले तयारी सुरु गरिसकेका छन्। पहिलो हुने समूहले १ लाख ५० हजार, दोस्रो हुनेले १ लाख, तेस्रो र चौथो हुने समूहले क्रमशः ५० हजार र २५ हजार रुपियाँ पुरस्कार प्राप्त गर्नेछन्।

समितिले दशैँ–तिहारको अवसर पारेर पहिलोपटक भलिबल प्रतियोगिता आयोजना गरेको हो।