काठमाडौँ

असोज १३ गते,

केही दिन देखि परिरहेको अविरल वर्षाका कारण ठुलो संख्यामा  धनजनमा क्षती पुगेको छ।  ललितपुरको गोदाबरी नगरपालिको सबै वडाहरुमा भिषण वर्षाका कारण वाढी एवं पहिरो गएको र विभिन्न उपाय अपनाउदा पनि रोकथाममा कठिनाई भईरहेको छ ।

गोदावरी नगरपालिकाका सबै क्षेत्रमा भिषण वर्षाले मानविय तथा भौतिक संरचनाहरुमा ठुलो क्षती पुऱ्याएको विषम परिस्थिति छ। नगरक्षेत्रको खोलाहरुको वहाव तिव्र हुदां आसपासका वस्ति डुवानमा  परेका  छन  र पहिरोको प्रकोपले ग्रामिण क्षेत्रका बासिन्दाको जनजिवन अस्तव्यस्त भएको छ ।

नगरपालिका द्वारा सार्वजनिक गरिएको प्रेस विज्ञप्तिको अनुसार पहिरो र डुवानले विभिन्न वडामा हाल सम्म १३ जनाले जीवन गुमाई सकेका  छन । जारी विज्ञप्तिमा मृतकका परिवारजनलाई राहत स्वरुप प्रति परिवार रु. २,००,०००।- उपलब्ध गराउने नगरकार्यपालिकाको आकस्मिक बैठकबाट निर्णय गरिएको छ ।

बाढी पहिरो पिडित नगरबासीलाई सम्बन्धित वडा कार्यालयको समन्वयमा उचित  राहतको व्यवस्थापन गरिने छ ।