काठमाडौँ 
असोज २१ गते,
पर्वतको महाशिला गाउँपालिका–५ दुक्तानको त्रिशक्ती बुद्ध बेकरीले उत्पादनभन्दा एक दिन पछाडि मिति राखेर बिस्कुट,पाउरोटी र नमकिन बेचेको पाइएपछि स्थानीय प्रशासनले अनुगमनमा संलग्न भएको छ । बेकरीका सञ्चालक बिमल गुरुङले समस्या कर्मचारीको काम गर्ने तरिकाका कारण भएको बताउँदै भविष्यमा यस्ता गल्ती नदोहोरिने आश्वासन दिए। सुजी बिस्कुट र नमकिनमा ६० दिनको मिति राखिएको भए पनि खाद्य प्रविधि तथा गुण नियन्त्रण कार्यालय पोखरामा दर्ता भए पनि मापदण्ड पुगेको पाइएन ।
गाउँपालिका अध्यक्ष ईश्वरीप्रसाद भुसालले पालिकामा यस्ता समस्याहरू देखिएपछि बेकरीलाई ल्याब परीक्षण गराएर कारवाही गर्न निर्देशन दिएका छन् । अनुगमनमा ६० प्रतिशत व्यापारी नियमभन्दा बाहिर रहेको पाइएको छ,जसमा दर्ता भएका तर नविकरण नगरेका पसल र म्याद गुज्रेका सामानको पनि समावेश छ ।
पसल अनुगमन गर्दा रक्सी,रासायनिक मल,भाँडा,इलेक्ट्रिक सामान,मासु,र पोल्टि सामग्री जस्ता विभिन्न कारोबार गरिएका ३२ वटा पसलमा समस्या देखिएका छन् । कानुनी दायरामा नभएका आठ वटा पसलमा चाबी लगाइएको छ,जसलाई दर्ता गरिसकेपछि मात्र खोल्न सकिने बताइएको छ ।
अनुगमनका क्रममा नियम विपरित सञ्चालन भएका पसलबाट ७१,५९४ रुपैयाँको रक्सी र एक लाख ५८,७३७ रुपैयाँ बराबरको सामग्री बरामद गरिएको छ ।