काठमाडौँ 
असोज २३ गते,
कालिकोटको महावै गाउँपालिकाले एकल पुरुषहरूलाई विधुर भत्ता दिने भएको छ । यसका लागि गाउँपालिकाले चालू आर्थिक वर्षका लागि दुई लाख रुपैयाँ छुट्याएको छ ।
गाउँपालिका अध्यक्ष खेमबहादुर सिंहले विधुर भत्ता दिने प्रयोजनका लागि विवरण संकलन सुरु गरिएको बताए । गाउँपालिकाले ४९ वर्षदेखि ५९ वर्षसम्मका एकल पुरुषहरूलाई विधुर सत्ता दिनेछ । यसका लागि सबै वडाबाट तथ्याङ्क सङ्कलनको काम सुरु गरिएको छ । ‘६० वर्षदेखि वृद्ध भत्ता पाउने भएकाले हामीले ५९ वर्षसम्मका लागि यो व्यवस्था गरेका हौँ,’उनले भने,‘एकल पुरुषलाई मासिक एक हजार रुपैयाँ भत्ता दिइनेछ’। पालिकाका अनुसार अहिलेसम्म १२ जना एकल पुरुष ९ विधुरहरु सम्पर्कमा आएका छन् । ‘वडाले पनि तथ्याङ्क संकलन गरिरहेकाले यो संख्या बढ्नेछ,’उनले भने,‘चालू आर्थिक वर्षको प्रथम चौमासिक भत्ता दसैँ अघिनै दिने तयारीमा छौँ’।