ललितपुर । गएको असोजमा भएको बाढी तथा पहिरोले निम्त्याएको भौतिक क्षतिको पुनर्निर्माण गर्न महाङ्काल गाउँपालिकाले बाढीले बगाएर ल्याएको गिट्टी तथा बालुवाको प्रयोग गर्ने भएको छ ।

पालिकाले एक सूचना जारी गर्दै बाढी तथा पहिरोले ल्याएको क्षतिको पुनर्निर्माणका लागि बाढीले थुपारेको बालुवा तथा गिट्टीकै प्रयोग गर्ने जनाएको छ । पालिकाले त्यसका लागि क्रसर व्यवसायीहरुलाई पन्ध्र दिनभित्र पालिकामा सम्पर्क गर्न अनुरोधसमेत गरेको छ ।

गएको असोज ११, १२ र १३ गते गएको बाढी तथा पहिरोले पालिकामा सडक, सरकारी भवन, विद्यालय भवन तथा निजी आवासमा क्षति पुर्‍याएको छ । पालिकाले क्षतिको पुनर्निर्माण गर्न संघीय सरकार र प्रदेश सरकारबाट अनुदानसमेत पाउने छ ।