गुल्मी । मुसिकोट नगरपालिकाको वडा नम्बर १ को अध्यक्ष पदका लागि मतदान भइरहेको छ ।

रिक्त वडाध्यक्ष पदका लागि आज बिहान ७ बजेदेखि नै मतदान सुरु भएको सहायक निर्वाचन अधिकृत ऋषिराम घिमिरेले बताए ।

वडाध्यक्षका निर्वाचनका लागि ३ वटा मतदानस्थल र ५ वटा मतदान केन्द्र तोकिएको छ । वडामा ४ हजार ५१ जना मतदाता रहेका छन् ।

वडाध्यक्षका लागि ८ जना चुनावी प्रतिस्पर्धामा छन् । यसअघि नेपाली कांग्रेसबाट वडाध्यक्ष निर्वाचित मोहन घिमिरेको निधन भएपछि आज उपनिर्वाचन भएको हो ।