जाजरकोटमा चार हजारभन्दा बढी मत खस्यो
Mayorsap | ५ महिना अगाडि 
जाजरकोट । उपनिर्वाचन अन्तर्गत जाजरकोटको नलगाड नगरपालिका र कुशे –७ मा शान्तिपूर्ण रुपमा मतदान भइरहेको छ ।
नलगाड नगरपालिकामा उपप्रमुख र कुशे –७ मा वडा अध्यक्षका लागि आज मतदान भइरहेको हो ।
जाजरकोटका प्रमुख जिल्ला अधिकारी मेखबहादुर मग्रातीले कुशे गाउँपालिकाको २ वटा र नलगाड नगरपालिकाको २४ वटा मतदान केन्द्रमा मतदान भइरहेको जानकारी दिए । मतदान उत्साहपूर्वक रुपमा भइरहेको प्रजिअ मग्रातीले बताए ।
मुख्य निर्वाचन अधिकृतको कार्यालयका अनुसार अहिले १२ बजेसम्म नलगाड नगरपालिकामा ३ हजार पाँचसय ५६ र कुशे ७ को वडा अध्यक्षका लागि ४ सय २८ मत खसेको जानकारी गराएको छ ।
आजको मतदानका लागि कुशे ७ को वडा अध्यक्षका लागि १ हजार ३ सय २ र नलगाड नगरपालिकामा १६ हजार ४ सय ४९ गरी कुल १७ हजार ७ सय ५१ मतदाता छन् ।
