काठमाडौं । मतदान सकिएलगतै मतपेटिका ल्याउन सुरु गरिएको छ ।

कीर्तिपुर नगरपालिका र काठमाडौं महानगरपालिका १६ को मतपेटिका मतगणना स्थलमा पुयाइएको छ । यी दुई ठाउँमा आजै मतगणना सुरु हुने जनाइएको छ ।

निर्वाचन आयोगका अनुसार नगरपालिकाको प्रमुख, उपप्रमुख तथा गाउँपालिकाको अध्यक्ष उपाध्यक्ष र वडा अध्यक्ष समेत गरेर ४१ स्थानमा आइतबार सम्पन्न उपनिर्वाचन शान्ति पूर्णरुपमा सम्पन्न भएको छ ।

उपनिर्वाचनमा ६२ प्रतिशत मत खसेको प्रमुख निर्वाचन आयुक्त दिनेशकुमार थपलियाले बताएका छन । उनका अनुसार डोल्पाको त्रिपुरासुन्दरी नगरपालिका वडा नम्बर ५ मा सबैभन्दा बढी मत खसेको छ भने काठमाडौं महानगरपालिकाको वडा नम्बर १६ मा सबैभन्दा कम मत खसेको छ ।